2019 წლის 18 სექტემბერს, სასტუმრო „ჰილტონში“, ,,თავისუფალ ჟურნალისტთა სახლის’’ ორგანიზებით გაიმართა დისკუსია თემაზე: მედია და არჩევნები.
2020 წლის პროპორციული საპარლამენტო არჩევნების ფონზე, მედიის როლი კვლავაც განსაკუთრებული იქნება, გამომდინარე იქიდან, რომ ის საზოგადოების ინფორმირების ტრადიციულ წყაროს წარმოადგენს.
შეხვედრაზე მოხსენება გააკეთა სულხან სალაძემ – “ახალგაზრდა იურისტთა ასოციაციის” თავმჯდომარემ.
მომხსენებელმა მიმოიხილა შემდეგი საკითხები:
• მედია გარემოს ცვლილების დინამიკა ბოლო წლებში;
• 2020 წლის საარჩევნო კანონმდებლობაში დაგეგმილი ცვლილებები ანტირეკლამასთან დაკავშირებით;
• რა გავლენას მოახდენს ეს ცვლილებები ინფორმაციის თავსუფლებაზე და გავრცელებაზე; იქნება თუ არა ეს გამოხატვის თავისუფლების შეზღუდვა;
• მედია პოლარიზების პირობებში სად დგას საზოგადოებრივი მაუწყებელი და როგორი რეალობა გვაქვს ამ მხრივ;
შეხვედრის ვიდეო-ჩანაწერი შეგიძლიათ იხილოთ მითითებულ ბმულზე, ბეჭდვურ ვერსიას გაეცნობით ვებ-გვერდზე batumelebi.netgazeti.ge/
ფოტო მასალა შეგიძლიათ იხილოთ აქ
დისკუსიათა ციკლი იმართება „დემოკრატიული იდეებისა და ღირებულებების პოპულარიზაცია აჭარაში“ პროექტის ფარგლებში, ამერიკული ფონდის „ეროვნული წვლილი დემოკრატიისთვის“ [NED] დაფინანსებით.