“თავისუფალ ჟურნალისტთა სახლმა” ფონდი “ღია საზოგადოება საქართველოს” მხარდაჭერით დაიწყო კიდევ ერთი პროექტის განხორციელება – “მულტიკულტურული ინტეგრაცია აჭარაში”, აღნიშნული პროექტის მოსამზადებელ ეტაპზე უკვე გაიმართა სამუშაო შეხვედრა. პროექტის მიზანია აჭარის მუნიციპალიტეტებში (ქალაქ ბათუმის, ქობულეთის, ხელვაჩაურის, ქედის, შუახევის დაა ხულო) სხვადასხვა ეროვნული უმცირესობების კულტურული თავისებურებების წარმოჩენა / პოპულარიზაცია. რელიგიური ჯგუფების ინტეგრაცია თანამედროვე სოციუმში. აღნიშნული პროექტის ფარგლებში კვლავ განაგრძნობს მუშაობას ტოლერანტთა კლუბი.
ფონდ NED-ის მხარდაჭერით “სიტყვის თავისუფლების მხარდაჭერის” პროგრამის ფარგლებში მომზადდა:
- 2 თებერვალი, გადაცემა “ჰეშთეგის” პირდაპირ ეთერში გავიდა გიორგი ბოლქვაძის სიუჟეტი თემაზე “რა არის ინტერნეტ ტროლინგი”. ჩვენი ორგანიზაციის მოხალისე-რეპორტიორმა სტუმრებთან ერთად ვრცლად მიმოიხილა ქართული და საერთაშორისო პრაქტიკა – ინტერნეტ ტროლინგთან დაკავშირებით.
- 2 თებერვალი, გადაცემა “შეუზღუდავი სივრცის” სტუმარი იყო “ადამიანის უფლებების სწავლებისა და მონიტორინგის ცენტრის” (EMC) იურისტი ქეთი ჩუთლაშვილი, რომელმაც სიძულვილით მოტივირებული დანაშაულის შესახებ ისაუბრა.
- 9 თებერვალი, თაკო ნინიძის სიუჟეტი თემაზე “სტუდენტური დასაქმება”. სიუჟეტში განხილული იყო შესაძლებელია თუ არა სწავლის პარალელურად დასაქმება და როგორია უნივერსიტეტების მხრიდან ხელშეწყობა.
- 14 თებერვალს, სოფელ მუხაესტატეს საჯარო სკოლაში გაიმართა დისკუსია თემაზე: არჩევანის თავისუფლება მოზარდებში.
- 15 თებერვალს, სოფელ ქობულეთის კულტურის ცენტრში გაიმართა №3 შეხვედრა დისკუსიათა ციკლის „მედია და საზოგადოება“ ფარგლებში. საზოგადოებრივი მაუწყებლის აჭარის ტელევიზიის გადაცემა “ჰეშთეგისა” და „ბათუმელების“ წარმომადგენლები ადგილობრივ მოსახლეობას შეხვდნენ. აღნიშნულ შეხვედრაზე სხვადასხვა სოციალური პრობლემა გამოიკვეთა, რაზეც მედია საშუალებებმა მასალები მოამზადეს.
- 16 თებერვალს, ერეკლე ნოღაიდელი დაინტერესდა რატომ ეუხერხულებათ ბიოლოგიის მასწავლებლებს ადამიანის რეპროდუქციულ სისტემასა და სქესობრივ გამრავლებაზე საუბარი და რატომ მოიხსენიება ის “უხერხულ გაკვეთილად”.
- 22 თებერვალს სოფელ ჩაისუბნის საჯარო სკოლაში გაიმართა დისკუსია თემაზე “განათლების უფლება”. დისკუსიას ორგანიზაციის მოხალისე მარიკა ფუტკარაძე უძღვებოდა.
- 23 თებერვალს, “ჰეშთეგის” პირდაპირ ეთერში გავიდა მარიეტა იობიძის სიუჟეტი თემაზე: სელექციური აბორტი გენდერული ნიშნით. სიუჟეტში თქვენ იხილავთ გამოკითხვას თუ როგორია საზოგადოების ნაწილის დამოკიდებულება კონკრეტული სქესის მიმართ.
- 23 თებერვალს გაიმართა №4 დისკუსია მედიის წარმომადგენლების მონაწილეობით. აჭარის ტელევიზიისა და “ბათუმელების” წარმომადგენლები ხელვაჩაურის ახალგაზრდობის ცენტრის წევრებს შეხვდნენ.
პროექტი “მოქალაქეთა ჩართულობის გაზრდა ასოცირების ხელშეკრულების შესრულების პროცესში”:
- 16 თებერვალს “თავისუფალ ჟურნალისტთა სახლის” ოფისში გაიმართა ევროკავშირთან ასოცირების ხელშეკრულებით ნაკისრი ვალდებულებების შესრულების ანგარიშის წარდგენა. ანგარიშის ძირითადი თემა იყო ბავშვთა უფლებები, რომელზეც ორგანიზაცია „პარტნიორობა ადამიანის უფლებებისთვის“ აღმასრულებელმა დირექტორმა ანა არგანაშვილმა ისაუბრა.
- ანა არგანაშვილი ჩვენი გადაცემის სტუმარიც იყო, მას პროექტის მოხალისე – მარიეტა იობიძე ესაუბრა თემაზე: რა ვალდებულებების შესრულება ეკისრება სახელმწიფოს ბავშვთა უფლებების მიმართულებით და როგორ მიმდინარეობს შესრულების პროცესი.
“ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა” (PITA), რომელიც ხორციელდება გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით:
- 9 თებერვალს ბათუმის ახალგაზრდული ცენტრის წევრებისთვის ჩატარდა ტრენინგი თემაზე “სოციალური მედია”, რომელსაც რადიო აჭარის ჟურნალისტი და ბლოგერი დათო ტრაპაიძე უძღვებოდა.
- 28 თებერვალს გაიმართა ეკო კლუბის პირველი სამუშაო შეხვედრა, რომელზეც დაიგეგმა ლექციები, ვორქშოპები, სამოქალაქო აქციები, როც ყოველკვირეულად განხორციელდება.