პრესრელიზი – დამოუკიდებლობის დღისადმი მიძღვნილი ღონისძიება

პრესრელიზი – დამოუკიდებლობის დღისადმი მიძღვნილი ღონისძიება

posted in: სიახლე | სტატია წაკითხულია 471-ჯერ
 2018 წლის 26 მაისს საოცრებათა პარკის ტერიტორიაზე, „თავისუფალ ჟურნალისტთა სახლის“ პროექტის „მულტიკულტურული ინტეგრაცია აჭარაში“ ფარგლებში, საქართველოს დამოუკიდებლობის დღისადმი მიძღვნილი ღონისძიება გაიმართება.

12:00-დან 16:00 საათამდე საოცრებათა პარკის მიმდებარე  ტერიტორიაზე მოეწყობა  „ტოლერანტთა კლუბის“ მიერ შექმნილი ხელნაკეთი ნივთებისა და ნახატების გამოფენა. კლუბი სხვადასხვა  ეროვნული უმცირესობის წარმომადგენელ ახალგაზრდებს აერთიანებს.

გამოფენაში მონაწილეობენ: უკრაინული, ბერძნული, გერმანული, სომხური დიასპორები, აფხაზური თემის გაერთიანება, თექაზე მომუშავე ქალები,  გიმნაზია 21 საუკუნე და  ხის ნაკეთობების მწარმოებელი კომპანია „პინოქიო“.

14:00 საათზე  საზოგადოების წინაშე  პირველად  წარსდგება ბენდი „ერთად“, რომელიც შეასრულებს კომპოზიციებს თანამედროვე  მუსიკალური და ვიზუალური ტექნიკის გამოყენებით,  სადაც გამოკვეთილია ეთნიკური ჰარმონიები და  ტრადიციები.

ღონისძიების მიზანია პერფომანსებითა და საჯარო აქციებით ეროვნულ  უმცირესობათა კულტურული  გააქტიურება და მათი  ტრადიციების, კულტურული და ლინგვისტური თვითმყოფადობის  ფართო საზოგადოებაში პოპულარიზაცია.

პროექტი ხორციელდება ფონდი “ღია საზოგადოება-საქართველოს“ მხარდაჭერით.