31 ივლისი
ეროვნულ უმცირესობათა ფესტივალი
2018 წლის 31 ივლისს, 19:00 საათიდან ქალაქ ბათუმის ზღვისპირა ბულვარში, კოლონადებთან გაიმართება ეროვნულ უმცირესობათა ფესტივალი. ბულვარის კოლონადებისკენ მიმავალ ალეაზე მოეწყობა „კუთხე“, სადაც წარმოდგენილი იქნება გერმანული, ბერძნული, უკრაინული, ებრაული, სომხური დიასპორების და აჭარის აფხაზური გაერთიანების ნაციონალური კერძები, სურათები, სამოსი და სხვა ნივთები, რომლებიც ასოცირდება მათ ეროვნებასთან. კოლონადებთან განთავსებულ იმპროვიზებულ სცენაზე გაიმართება კონცერტი, რომელშიც მონაწილეობას მიიღებენ ეროვნულ უმცირესობათა საცეკვაო ანსამბლები, მუსიკალური ჯგუფები და მომღერლები.
19:00 საათი – ფესტივალის გახსნა, მისალმება;
19:15 საათი – ხელნაკეთი ნივთების გამოფენა-გაყიდვა;
19:30 საათი – სხვადასხვა ეროვნული და ეთნიკური ჯგუფების ტრადიციული სამზარეულოს დაგემოვნება;
20:00 საათი – სომხური, ბერძნული, უკრაინული ქორეოგრაფიული ნომრები;
20:30 საათი – მულტიკულტურული ბენდი „ერთად“.
სომხური დიასპორა
- სომხური ნაციონალური კერძების დაგემოვნება;
- ფოტოხელოვან სეირან ბაროიანის ფოტოსურათების გამოფენა. სპეციალურ ბანერზე განთავსდება 25 ფოტოსურათი ;
- ბათუმის ალექსანდრე მანთაშევის სახელობის განათლების, კულტურის და ახალგაზრდობის ცენტრი;
- სომხურ დიასპორასთან არსებული ქორეოგრაფიული ანსამბლ „ეგნარ“-ის საცეკვავო ნომრები;
- მომღერალ მარგარიტა ხუმარიანის საკონცერტო პროგრამა;
- თვითნასწავლი ხელოვანის კარინა კუზიკიანის ნამუშევრების გამოფენა-გაყიდვა;
უკრაინული დიასპორა
- მასტერკლასი ნაციონალური თოჯინის დამზადებაში;
- უკრაინული ცეკვის ელემენტების შესწავლა;
- უკრაინული ენისა და ანბანის შესწავლა;
- მსურველებს შესაძლებლობა ექნებათ, მოირგონ ნაციონალური ტანსაცმელი და მოაწყონ ფოტოსესია;
- ტრადიციული სამზარეულოს გამოფენა და კერძების დაგემოვნება;
- ხატვა ფერადი ცარცებით;
- ნაციონალური გვირგვინის დამზადების მასტერკლასი;
- ნაციონალური სუვენირების გამოფენა-გაყიდვა;
- საქართველოში უკრაინელთა ყოფის ამსახველი ფოტო-გამოფენა;
- უკრაინული და ქართული ცეკვის შესრულება;
- უკრაინელი ხელოვანის ფოტო-გამოფენა;
ბერძნული დიასპორა
- ნაციონალური ქორეოგრაფიის საცეკვაო ნომრები;
- ნაციონალური სამზარეულოს დაგემოვნება;
- ბერძნული ხელოვანის ხელნაკეთი ნივთების გამოფენა-გაყიდვა;
- მუსიკალური საკონცერტო ნომრები;
- მსურველებს შესაძლებლობა ექნებათ, მოირგონ ნაციონალური ტანსაცმელი და მოაწყონ ფოტოსესია;
გერმანული დიასპორა
- ისტორიული ფოტოების გამოფენა;
- გერმანული სამზარეულოს დაგემოვნება;
- წიგნის პრეზენტაცია ;
- DJ Max -ის მიერ შესრულებული მუსიკალური კომპოზიციები;
ებრაული დიასპორა
- ებრაული მუსიკალური ნაწარმოები;
აჭარის აფხაზური გაერთიანება
- ნაციონალური სამზარეულოს დაგემოვნება;
- აფხაზი ხელოვანის ხელნაკეთი ნივთების გამოფენა გაყიდვა;
პროექტი “მულტიკულტურული ინტეგრაცია აჭარაში” ხორციელდება თავისუფალ ჟურნალისტთა სახლის მიერ, ფონდი “ღია საზოგადოება-საქართველოს” ფინანსური მხარდაჭერით.
ფესტივალი იმართება ქალაქ ბათუმის მერიის თანადაფინანსებით.
[kad_youtube url=”https://www.youtube.com/watch?v=W_uKJX1Wyoo” ]