მულტიკულტურული ფესტივალი ბათუმში

მულტიკულტურული ფესტივალი ბათუმში

posted in: მულტიკულტურა | სტატია წაკითხულია 29-ჯერ

31 ივლისს ბათუმის ბულვარში ეთნიკურ უმცირესობათა ფესტივალი გაიმართა, რომელშიც მონაწილეობა ბათუმში მცხოვრებმა ეთნიკური უმცირესობის წარმომადგენლებმა მიიღეს. ფესტივალზე წარმოდგენილი იყო  გერმანული,  ბერძნული, უკრაინული, ებრაული,  სომხური დიასპორებისა და აჭარის აფხაზური გაერთიანების  ნაციონალური კერძები, ფოტოსურათები, სამოსი და სხვა  ნივთები, რომლებიც ასოცირდება თითოეულ ეროვნებასთან.

“შეიძლება ერთ ქალაქში ვცხოვრობთ, მაგრამ ხშირად ვერ ვხვდებით ერთმანეთს. მნიშვნელოვანი იყო ეს ფესტივალი ჩვენთვის, ურთიერთობების განმტკიცებისათვის,” – უთხრა “ბათუმელებს” ბერძნული დიასპორის წარმომადგენელმა მარინა პოლიტოვამ.

საქართველოში გერმანული დიასპორის თავმჯდომარე ირმა ტუნაძე ამბობს, რომ ფესტივალმა საშუალება მისცა, ბათუმში გერმანული დიასპორის არსებობის შესახებ მეტი ადამიანისთვის ეცნობებინა.

“ასეთი ფესტივალები ხელს უწყობს იმას, რომ ეთნიკური უმცირესობების წარმომადგენლებმა ერთმანეთი გაიცნონ. ტურისტებისთვისაც ძალიან მნიშვნელოვანია, რადგან ჩანს, თუ რამდენად მულტიკულტურულები ვართ ბათუმში,” – ამბობს  ირმა ტუნაძე.

ნაციონალური სამზარეულოს კერძების დაგემოვნების შემდეგ ფესტივალზე მისულმა სტუმრებმა კოლონადებთან განთავსებული   სცენისკენ გადაინაცვლეს, სადაც კონცერტი გაიმართა, რომელშიც  მონაწილეობა ეროვნულ უმცირესობათა საცეკვაო ანსამბლებმა, მუსიკალურმა ჯგუფებმა და მომღერლებმა მიიღეს.

ეროვნულ უმცირესობათა ფესტივალი ბათუმში – 2018

ეროვნულ უმცირესობათა ფესტივალი ბათუმში – 2018

ეროვნულ უმცირესობათა ფესტივალი ბათუმში

ბერძნული დიასპორის წარმომადგენლებმა ფესტივალზე ცეკვა “სირტაკი” შეასრულეს

ეროვნულ უმცირესობათა ფესტივალი ბათუმში

ეროვნულ უმცირესობათა ფესტივალი ბათუმში

ეროვნულ უმცირესობათა ფესტივალი ბათუმში

უკრაინული დიასპორის წარმომადგენლებმა ფესტივალზე ცეკვა “პოლკა” შეასრულეს

პროექტი “მულტიკულტურული ინტეგრაცია აჭარაში” ხორციელდება „თავისუფალ ჟურნალისტთა სახლის“ მიერ, ფონდი “ღია საზოგადოება-საქართველოს” ფინანსური მხარდაჭერით.

ფესტივალის მხარდამჭერია ბათუმის მერია.

გაზეთ “ბათუმელების” ჟურნალისტი – მანანა ქველიაშვილი