ასოცირების ხელშეკრულების შესრულების პროცესი 13 დეკემბერს ბათუმის სახელმწიფო უნივერსიტეტის სტუდენტებს გავაცანით. შეხვედრაზე ვისაუბრეთ ხელშეკრულებით ნაკისრი ვალდებულებების შესრულებასა და მიმდინარე სიახლეებზე.
ევროკავშირსა და საქართველოს შორის 2014 წელს გაფორმებული შეთანხმება 1000-მდე გვერდს მოიცავს და ითვალისწინებს საქართველოს კანონმდებლობის დაახლოვებას ევროკავშირის 300-მდე სამართლებრივ აქტთან.
შეთანხმების“ იმპლემენტაციის შედეგად, საქართველოს მოქალაქეები კონკრეტულ სარგებელს მიიღებენ. მათ შორის, აღსანიშნავია, ადგილობრივი სოფლის მეურნეობის პროდუქციის ხარისხის გაუმჯობესება; მცირე და საშუალო საწარმოებისთვის უკეთესი შესაძლებლობების გახსნა; ევროპული განათლების ხელმისაწვდომობა; გაუმჯობესებული ჯანდაცვა; ენერგო ეფექტიანობის გაზრდა და განახლებადი ენერგო რესურსების განვითარება; უკეთესად ფუნქციონირებადი სასამართლო, გამყარებული კანონის უზენაესობა, საჯარო სამსახურის გაზრდილი ანგარიშვალდებულება და გამჭვირვალობა.
შეხვედრები იმართება “თავისუფალ ჟურნალისტთა სახლის” პროექტით “მოქალაქეთა ჩართულობის გაზრდა ასოცირების ხელშეკრულების შესრულების პროცესში”. მისი მხარდამჭერია ფონდი “ღია საზოგადოება – საქართველო”.