გაეცანით მარტის თვის საინფორმაციო ბიულეტენს.
“სიტყვის თავისუფლების მხარდაჭერის” პროგრამის ფარგლებში მომზადდა:
- 1 მარტს ფოთის №5 საჯარო სკოლაში გამართულ ინტერმუნიციპალურ დისკუსიაზე, ნაჩვენები იყო ვიდეო-სიუჟეტები მოზარდების არჩევანის თავისუფლებაზე და ე.წ. უხერხულ გაკვეთილზე;
- 2 მარტი, გადაცემა ჰეშთეგის პირდაპირ ეთერში გავიდა მოხალისე-რეპორტიორის მარიკო ნაცარიშვილის სიუჟეტი თემაზე: სეკულარიზმის ხარისხი ბათუმის საჯარო სკოლებში, სიუჟეტში შეგიძლიათ იხილოთ საჯარო სკოლის წარმომადგენლების მოსაზრებები სკოლებში საეკლესიო კუთხის არსებობაზე;
- დისკუსია №5 – მედია და საზოგადოება– აჭარის ტელევიზიის საინფორმაციო გამოშვების წამყვანის- სოფო ხელაძისა და ჟურნალ “ბათუმელების” ჟურნალისტის – ეკა ბარამიძის მონაწილეობით გაიმართა;
- 16 მარტი, გადაცემა “ჰეშთეგში” პირდაპირ ეთერში გავიდა ხატია სიხარულიძის მიერ მომზადებული სიუჟეტი თემაზე: მარტოხელა დედებსა და აჭარაში მცხოვრებ მუსლიმ ქალთა საჭიროებებზე;
- რას ფიქრობენ ტურისტების მიმართ შერჩევით დამოკიდებულებაზე ბათუმელები და ტურიზმის ექსპერტები შეგიძლიათ იხილოთ დავით ჯინჭარაძის სიუჟეტში “შერჩევით ტურიზმი”;
- 16, 21 მარტი – ინტერმუნიციპალური დისკუსიები გურიის ახალგაზრდულ რესურსცენტრსა და ჩოხატაურის ზრდასრულთა განათლების ცენტრში;
- 26 მარტი, თაკო ნინიძის მიერ მომზადებული სიუჟეტი თემაზე: უცხოელი სტუდენტები;
- 29 მარტი, მედიის მონაწილეობით გამართული №6 დისკუსია სოფელ ქედქედში;
- 30 მარტი, გიორგი ბოლქვაძის მიერ მომზადებული სიუჟეტი ეკოლოგიურ პრობლემებზე, სადაც მიიღებთ ინფორმაციას კანონმდებლობაში შეტანილ ცვლილებებზე და იხილავთ ბათუმის ყველაზე ხშირად დანაგვიანებულ ადგილებს.
პროექტი “მოქალაქეთა ჩართულობის გაზრდა ასოცირების ხელშეკრულების შესრულების პროცესში”:
- ჩვენი მედია პარტნიორის “ბათუმელების” მიერ მომზადებული ანალიტიკური სტატიები ევროკავშირის ბაზარზე გასაყიდად გასული წარმატებული ისტორიებისა და ევროპაში თავშესაფრის მაძიებლების შესახებ;
- 26 მარტს, გადაცემა ჰეშთეგის პირდაპირ ეთერში ჩვენი პროექტის ფარგლებში მომზადდა პირველი გადაცემა ასოცირების ხელშეკრულებით ნაკისრი ვალდებულებების შესახებ. გადაცემის თემა იყო ქუჩაში მცხოვრები ბავშვები.
პროექტი “მულტიკულტურული ინტეგრაცია აჭარაში“:
- 5 მარტი, შემეცნებითი აქტივობა „გაიცანი მსოფლიო“. კლუბის წევრმა დუტა დიასამიძემ მონაწილეებს გააცნო აღმოსავლეთ აფრიკაში მდებარე უგანდის რესპუბლიკა და ქვეყნის ისტორიაზე, ტრადიციებზე, სახელმწიფო მმართველობასა და კულტურაზე;
- 7 მარტი -თანატოლთა ტრენინგი თემაზე „კომპიუტერული თამაშები“;
- 10 მარტი-ფილმის ჩვენება;
- 12 მარტი- გაიცანი მსოფლიოს კიდევ ერთი შეხვედრა ბრაზილიის ტრადიციული ცეკვების, დღესასწაულებებისა და კერძების შესახებ;
- 14 მარტი-თატოლგანმანათლებელთა ტრენინგი „მსოფლიოს უცნაურ მოვლენებსა და ტრადიციებზე“;
- 15 მარტი-ტოლერანტთა კლუბის წევრების ინიციატივით ჩამოყალიბდა მკითხველთა კლუბი. პირველ შეხვედრაზე მონაწილეებმა ისაუბრეს ლიტერატურის როლზე საზოგადოების ცხოვრებაში;
- 19 მარტს ტოლერანტთა კლუბის წევრებმა ანანო დიასამიძემ და მარიამ ირემაძემ ისაუბრეს პაპუა-ახალი გვინეაზე, შეხვედრის მიზანი იყო კლუბის წევრებს უფრო მეტი გაეგოთ ქვეყნის ისტორიის, კანონების, ღირებულებებისა და ტრადიციების შესახებ;
- 22 მარტს ლაშა შაინიძემ მონაწილეებთან ერთად ნიკო ლორთქიფანიძის ორი ნაწარმოები „თავსაფრიანი დედაკაცი“ და „ტრაგედია უგმიროდ“ განიხილა;
- 23 მარტს ჩატარდა თანატოლთა ტრენინგი თემაზე: მოქალაქეობრივი პასუხისმგებლობა და მისი როლი დემოკრატიის განვითარებაში;
- 25 მარტი კინოჩვენება ფილმისა „Exam”;
- 26 მარტს „გაიცანი მსოფლიოს” შეხვედრაზე მაროკოს სამეფოს ქვეყნის პრეზენტაცია მოეწყო;
- 29 მარტს მკითხველთა კლუბში შტეფან ცვაიგის „უცნობი ქალის წერილი“ განიხილეს;
- 30 მარტს ტოლერანტთა კლუბს „სახვითი და გამოყენებითი ხელოვნების“ ქვეკლუბი დაემატა, რომლის ფარგლებშიც კლუბის წევრები ტოლერანტობის თემის ირგვლივ დაამზადებენ თოჯინებს და შექმნიან ხელნაკეთ ნივთებს.
“ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა” (PITA)
- 4 მარტი- ფილმის “12 განრისხებული მამაკაცი” ჩვენება. ფილმი “თავისუფალ ჟურნალისტთა სახლის” ხელმძღვანელმა ასლან ჭანიძემ წარადგინა;
- 8 მარტს ქალთა საერთაშორისო დღეს ბათუმის ახალგაზრდული ცენტრის ორგანიზებით ჩატარდა თანატოლთა ტრენინგი თემაზე:როგორ ფორმირდებოდა ქალთა უფლებები;
- 9 მარტს ეკო კლუბის წევრებისთვის ჩატარდა საგანმანათლებლო ტრენინგი: ნარჩენების მართვა და ეკოლოგიური პრობლემები, რომელზეც განიხილეს საქართველოს მიდგომა ნარჩენების მართვასთან დაკავშირებით და შეადარეს სხვა ქვეყნის მაგალითებს;
- 15 მარტს ბათუმის ახალგაზრდული ცენტრის მოხალისეებმა მიიღეს მონაწილეობა ახალგაზრდული საჭიროებების კვლევაში, რომელსაც სამოქალაქო საზოგადოების ინსტიტუტი ატარებს;
- 17 მარტს გაიმართა თანატოლთა ტრენინგი: დაბინძირებული გარემო, შეხვედრაზე ისაუბრეს დაბინძურებულ ადგილებზე გარემოში და პრობლემასთან ბრძოლის მექანიზმებზე;
- 18 მარტს კინო-კლუბში ნაცო გაბაიძე-ბერიძემ აუდიტორიას წარუდგინა “სუფრაჟისტები”. ჩვენების შემდეგ სტუმართან ერთად გაიმართა დისკუსია;
- 21 მარტს, დაუნის სინდრომის საერთაშორისო დღესთან დაკავშირებით მე-16 საბავშვო ბაღში ჩატარდა საგანმანათლებლო ლექცია. პროექტის ფარგლებში დაიბეჭდა საინფორმაციო ბროშურები ბაღის აღმზრდელებისთვის და მშობლებისთვის, გარდა ამისა მოეწყო ვიზიტი ინკლუზიური სწავლების ცენტრში, რომლის დროსაც საქმიანობის ხელშეწყობის მიზნით ცენტრს გადაეცა სახატავი ტილოები და საღებავები.